Injured	Killed
0	1

Date: 09 June 2013
Source: Banat

CEBU, Philippines – Namatay  ang  usa  ka  polis human uloha  pagpusil  sa  duha ka wala hiilhing kriminal    sa eskina  sa  mga  dalan P.del Rosario ug  Junquera st. dakbayan sa Sugbo  pasado alas 2:00 ang takna  kagahapon  sa kaadlawon.

Ang biktima nailhan nga si PO2 Gerlito Estremos, usa ka sakop sa Miscellaneous team sa Fuente Police Station sa Cebu City Police Office ug lumad  nga molupyo sa Baybay, Leyte, apan  kasamtangang nagpuyo sa barangay Guadalupe.

Matud pa sa usa ka lalaking nagpaila lang sa ngalang Ron nga iyang nakit-an ang duha ka wala  hiilhing mga  lalaki ug  si Estremos nga  ingon og  sa nagkalalis, dayon  gitabangan og  kulata niini si Estremos, dayon  nadungog  niya  ang  duha  ka buto  sa pusil.

Midugang  si  Ron  nga sa  wala pa mobuto  ang  armas,  gawas sa gikulata ang biktima, giingong gipukpok pa ang tangkugo niini, gamit ang iyang armas ug gani, nagpaila pa unta kini nga polis apan  wala kini tahora sa duha ka lalaki.

Ang kauban ni Estremos nga si PO1 Brando Nacario, mibutyag  usab  sa  Banat News nga sa wala pa  ang maong  hitabo, gidala siya ni Estremos pasado alas 12:00  sa tungang gabii nga mag-roving tungod sa mga midaghang  riding in tandem.

Maoy  hinungdan  nga  nag-roving sila sa ilang area of responsibility hangtod nga naabot sila  sa dalan R.Landon   kay  namasilong human mo-ulan pasado ala 1:00  sa kaadlawon.

Samtang sa crime scene, wala usab kapugngi ni PO3 Atilano Perolino ang iyang kanhi kauban isip desk officer, nga makapatulo sa luha ug makapagawas sa gibating kalagot sa duha ka lalaking mipusil patay kang Estremos.

Si Deputy Chief of Operation sa Station 2 Insp. Alexander Quirante, mipadayag usab base sa ilang nakuhang impormasyon nga si Estremos  migukod sa usa ka motorskilo  nga  gisakyan  sa duha  ka  wala  hiilhing  lalaki nga walay  helmet.

Unya  gipahunong  ug  gipangutana ni Estremos   nga miresulta na hinuon sa dugo-ong panghitabo nga mikalas sa iyang kinabuhi.

Samtang  ang  ubang mga sakop sa media nga nakahimamat ni Estremos ilabi na ang nagtrabaho sa telebisyon nga nadestino sa panggabii, nakugang usab sa maong insidenti ug wala usab makatuo.

Ila usab nga gihulagway si Estremos nga usa ka maayong tawo ug hilabihan ka accommodating ngadto kanila ug sa mga sibilyan.

“I can still remember dropping by Station 2 last Tuesday you were the officer assigned., u never failed to greet us – the jolly police officer who without hesitation would let us use the station phone for tracking… You were a great help to me when I was assigned on a graveyard schedule” tipik nga paghulagway ni Bexmae Jumao-as sa GMA-7 Reporter nga iyang gipatik sa Facebook.

Samtang ang reporter sa ABS-CBN nga si Aiza Layague, susama usab sa wala na makatuo sa maong panghitabo tungod usab sa kaayo nga gipakita niini ngadto kaniya kun anaa  siya   sa graveyard shift.

Ang hepe sa kapolisan sa dakbayan sa Sugbo,Sr. Supt. Mariano Natuel Jr. mipadayag nga sa pagkakaron aduna silay duha ka eye-witness nga maoy makatumbok ug si kinsa ang duha ka lalaki.

Matud pa ni Natuel nga sa pagkakaron wala pa ma- establisar  kun ang nakapatay ni Estremos iya ba gayud nga service firearm.

Kini tungod kay  wala  hikit-i ang  armas ni Estremos sa crime scene ug bugtong magazine, mga bala ug rosaryohan ug posas lang ang nakuha sa lawas sa biktima. (BANAT NEWS)