Injured	Killed
0	0

Date: 31 August 2013
Source: Bombo Radyo

ILOILO CITY – Biktima sang hold-up ang isa ka policewoman sa Barangay Ipil, Balasan, sa 5th district sang Iloilo.

 

Sa impormasyon nga nakuha sang Bombo Radyo sa Balasan Municipal Police Station, ginabanta alas-4:30 sang kaagahon sang ginhold-up sang tatlo ka armado nga mga lalaki si PO2 Wella Grace Teves, assigned sa Batad Municipal Police Station sa Batad, Iloilo.

 

Nagabantay sang bus ang pulis padulong kuntani sa syudad sang Iloilo agud magproseso sang papeles para sa iya promotion sang ginpalapitan sang tatlo ka armado nga suspetsado sakay sa motorsiklo kag ginhold-up.

 

Nagbato pa kuntani ang pulis kag ginkuha ang iya service firearm nga .9mm caliber pistol apang napierdi ini sa kusog sang tatlo ka lalaki.

 

Kabahin sa nataban sang mga hold-upper ang pusil sang pulis, P3,500 nga cash kag mga importante nga papeles.