Injured	Killed
0	0

Date: 27 February 2013
Source: Bombo Radyo

 

CAGAYAN DE ORO CITY-Giatake sa mga rebeldeng New People’s Army kon NPA ang mismong PNP Regional Public Safety Batallion sa Brgy Dampil sa lungsod ng Lagonglong,Misamis Oriental.

Sa paghinabi sa Bombo Radyo Cagayan de Oro,gitug-an ni Misamis Oriental provincial police director Sr Supt Rolando Hinanay na gitoohan nilang ang Guerilla Front 4-B sa North Central Command sa NPA ang responsable sa maong pagpanulong sa RPSB camp sa maong lungsod.

Moabot sa 10 minutos ang pagsinukliay sa mga bala apan pulos walay natala nga angol o namatay sa duha ka panig.

Matud ni Hinanay nga posibleng diversionary tactic ang gihimo sa mga rebelde tungod kay wala pa giundang sa militar ug kapolisan ang pursuit operation batok sa mga Guerilla Front 89 sa North Central Mindanao Command sa NPA nga miatake sa Del Monte Philippines Incorporated (DMPI) compound sa Manolo Fortich,Bukidnon niadtong miaging adlaw.

Dugtong niini,subling gimando ni Hinanay sa iyang mga station commander nga doblehon ang pagpaniid sa ilang lugar nga ubos sa ilang hurisdiksyon aron dili na masubli ang sunod-sunod nga atake sa NPA sa Misamis Oriental.

Hisayrang sa miaging tuig,gilusob sa mga rebelde ang munisipyo sa Medina ning lalawigan nga gikmatay sa duha ka tawo.

Nasundan pa kini sa miaging Enero ning tuiga sa lungsod sa Kinoguitan diin gipangkawat sa mga rebelde ang mga pusil ug army paraphernalia nga iya sa aktibo ug retiradong pulis ug sundalo sa maong dapit.

– See more at: http://bomboradyo.com/news/regional-news/cebuano-news/154548-pnp-campgisulong-sa-npa-sa-misamis-oriental#sthash.rDBaSgHs.dpuf