Injured	Killed
0	1

Date: 18 February 2013
Source: Bombo Radyo

NAGA CITY – Palaisipan ngayon sa mga otoridad sa Naga City ang pagkakakilanlan ng natagpuang bangkay sa isang bakanteng lote.

Alas-7:15 kaninang umaga nang matagpuan ng isang babae ang bangkay ng hindi pa nakikilalang lalaki sa madamong bahagi ng Panganiban Drive.

Pinaniniwalaang biktima ito ng salvage dahil may balot itong t-shirt sa ulo nito at nakasilid sa sako ang mga paa.

Natagpuan din ang isang malaking bato sa lugar na pinaniniwalaang ginamit ng suspek sa pagpukpok sa ulo ng biktima.

Ayon naman sa ilang nakakita, edad 19 ang biktima at taga-bayan ng Pasacao.

Kabilang umano ito sa mga tinatawag na “atras boys” o mga sumesenyas sa mga sasakyan tuwing humihimpil sa mga parking area.

Sa ngayon, inaalam pa ng mga otoridad kung sino ang salarin sa nasabing insidente.