Injured	Killed
0	1

Date: 13 April 2013
Source: Bombo Radyo

CEBU CITY – Patay ang isang pinaniniwalaang shoplifter matapos daw itong pagtulungang bugbugin ng mga miyembro ng CI sa loob ng Gaisano Metro sa Colon Street, Cebu City.

Kinilala ang namatay na si Mario Alphie Ducay matapos na bugbugin nina Mauricio Dublados, Margie Gaser at isang certain Boyless.

Ayon sa mga nasabing CI, nahuli nila na walang resibo ang pinamili ni Ducay kung kaya’t dinala nila ito sa ika-apat na palapag ng naturang mall upang imbestigahan.

Diumano’y bigla na lang nanginig ang lalaki na naging dahilan upang tumawag sila sa pagamutan.

Ngunit, ayon sa isang “concerned citizen” na bumisita sa Bombo Radyo Cebu, binugbog daw ng mga CI ang naturang lalaki hanggang sa ito ay mamatay.

Nilinaw din nito na binayaran ng biktima ang kanyang pinamiling groceries at posibleng nawala ang resibo nang pumunta ito sa second floor upang bumili ng isang pares ng sandals.

Balak ngayon ng Homecide Section ng Cebu City Police Office na isailalim sa otopsiya ang bangkay ng biktima upang malaman ang katotohanan sa naturang pangyayari.