Ang biktima nga gibanabanaan nga 15 hangtud 16 anyos ang pangidaron ang hubo ug adunay duha ka samad dinunggaban sa tuo nga bahin sa iyang abaga.

 

Si Wilfredo Sulotan, residente sa maong lugar ang nakakita sa lawas sa biktima sa dihang paadto kini sa iyang umahan kaganihang buntag. 

 

Nagtuo kini nga natulog lamang ang biktima apan sa dihang gisilip ang lawas nga gitabunan ug dahon sa saging wala na kiniy kinabuhi.

 

Sumala sa otoridad nga narekober sa crime scene ang screw driver, usa ka bote sa bino ug pipila ka butones sa sinena. 

 

Narekober usab ang jacket, sinena, ug usa ka pares sa sandal nga gipanag-iyahan sa biktima. 

 

Padayon pang gisuta ang ilhanan sa biktima nga pution ang pamanit ug 5’3 hangtud 5’4 ang gitas-on.