Injured	Killed
0	0

Date: 09 March 2013
Source: Bombo Radyo

NAGA CITY – Blangko ngonian an mga otoridad sa suspek kan nangyaring panghoholdap sa sarong pasahero sa banwaan nin Pamplona, Camarines Sur.

Binsito an biktimang si Victoriana Martin, 43-anyos.

Naglunad su boot ini sa Elavil Bus pasiring Sorsogon pasado alas-3:00 nin mag-uumagahon alagad kan makatukaw sa laog nin behikulo, may tolong lalaking bigla na sanang nagtaid sa saiya asin tulos na nagdeklarar nin holdap.

Tinakot pa su boot kan mga ini an mga pasahero kan bus gamit an sarong badil asin granada asin naghumang oras na magribok, gagadanon sindang gabos.

Mayong naginibo an biktima asin itinao na sana an hinahagad sa saiyang bag na may laog na sarong video camera, mamahalon na celpphone asin cash na P15, 000.

Posible su boot na si Martin sana an puntirya kan mga ini huli ta apuera sa saiya, mayo na man nin iba pang hinoldap sa behikulo.

Pigkakarkulong pokuy mas o menus 30,000 an kabilugang kantedad na nalalay kan mga suspek.