KORONADAL CITY-Ginluthang sang pasahero ang isa ka habal-habal driver sa national highway ng Barangay Marbel, Matalam, Cotabato nga kabangdanan sang kamatayon sini.

Sa imbestigasyon sang Matalam Police Office, nagapasada ang biktima nga ginkilala kay Jonathan Quiñones, 27, residente sang Barangay

Lampayan, Matalam kun sa diin nagpahatod ang iya nga pasahero sa Barangay Marbel sa nasambit nga banwa.

Apang sang nakababa na ini, ginluthang ang biktima usar ang kalibre 45 nga armas luthan kun sa diin naigo ini sa ulo.

Nakapalagyo naman ang suspek dala ang motorsiklo sang biktima sa wala mahibaluan nga direksyon.

Sa subong padayon pa nga ginapangita ang suspek nga wala nakilal-an sa pagpangluthang.