An biktima an binistong si Jerick Sanggalang Bobadilla @ Eyik 34 asin residente kan Sitio Delanta, Barangay Lutucan Bata.

 

Basado sa impormasyon, nasa terrace kan saindang harong an biktima kan may mag-abot na motorsiklo.

 

Lunad kaini an mga suspetsado na si Napoleon Rubia Cedeño @ Paul 50 asin saro pang dae nabistong lalaki. 

 

Kan mahiling kan biktima an mga suspetsado na may bitbit na badil, tulos ining nagdalagan. 

 

Alagad pinaputukan ini kan mga suspetsado kun sain nagtagos sa saiyang tuong hita asin walang bitis. 

 

Sa ibong kan saiyang sinapong tama, nakadulag pa man si Bobadilla, mantang nagdulag man an mga suspetsado na pinaghahanap na ngonian. 

 

Sa pagresponde sa lugar, narekober kan otoridad an 3 empty shell kan calibre 45.