Injured	Killed
0	1

Date: 02 May 2013
Source: Bombo Radyo

LEGAZPI CITY – Pinagbabadil sundo sa magadan kan tulong kalalakihan an sarung paraoma sa Sorsogon.

Binisto an biktima na si Jaime Estrabela Furio , 61-anyos asin residente kan Sitio Parik, Purok 7, Brgy. Gadgaron, Matnog, nasabing provincia.

Sa inisyal na imbestigasyon kan mga otoridad, bandang alas 1:30 nin hapon, kan uminabot an tulong dai pa nabibistong mga kalalakihan sa harong kan biktima.

Digdi na inimbitaran si Estrabela kan tulo na mag-olay sa bulod na porsyon kan saindang lugar harani sana sa saiyang pigdadagusan.

Nagsayuma man an paraoma kun saen, pirang minuto sana an nakakalihis kan mamate na an sunod-sunod na putok nin badil.

Tulos man na uminabot an aki kan biktima alagad mayo na nin buhay kan maabutan kaini an ama na wala tadtad nin ama nin badil sa payo asin lawas mantang nakadulag man sa dai maaraman na direksyon an mga suspek.

Narecover sa crimescene an empty shells gikan sa M16 rifle.

Segun sa biktima, iwal sa daga an posibleng motibo kan nasabing krimen.