Injured	Killed
0	1

Date: 31 July 2013
Source: Bombo Radyo

NAGA CITY – Tulos na kagadanan an inabot kan sarong lalaki matapos pagtatagaon kan dai pa mabistong suspetsado sa banwaan nin Mulanay sa Quezon Province.

 

Binisto an biktima na si Antonino Eperecto Bonita, 44 anyos, paraoma asin residente kan Barangay Cambuga, Sitio Daliwdiw sa nasambitan nang banwaan.

 

Sa ipinaabot na impormasyon kan Quezon Police Provincial Office sa Bombo Radyo Naga, napag-araman na udto kasuodma matang kapot kan biktima an sarong panabong na manok kan bigla na sana suboot pagtatagaon ini kan dai pa mabistong suspetsado hale sa saiyang likod.

 

Nagsapo nin matinding taga an biktima sa saiyang liog na dahilan kan tulos kaining pagkagadan mantang tulos man na duminulag an suspetsado matapos an krimen.

 

Sa ngunyan padagos pa man an isinasagibong imbestigasyon kan Mulanay PNP para sa posibleng pagkakabisto sa suspetsado asin sa motibo kaini.