Injured	Killed
0	1

Date: 03 April 2013
Source: Bombo Radyo

ROXAS CITY – Patay sa buno ang isa ka panday matapos salakayon sang mag-ulutod nga mga suspek sa Barangay Bailan, Pontevedra, Capiz.

Patal nga pilas sa likod ang gin-angkon ni Jose Teddy Baylon, 52, sang bun-on sang isa sa anum ka mga suspek nga ginkilala kay Tan-tan Crispolon.

Sa inisyal nga imbestigasyon sang pulisya, ginsalakay ang balay sang biktima sang suspek kaupod ang iban pa nga mga utod nga sanday Johnny Crispolon, Mark Crispolon, kag Jovel Crispolon, subong man sang mga abyan nga sanday Julius Dela kag Ronnie Borines.

Nagpalagyo pa si Baylon kaupod ang pamilya sini, apang naabtan ni Crispolon kag ginbuno sa likod.

Nalab-an naman sa guya ang isa sa mga utod sang suspek matapos nagbato ang biktima.

Samtang, patay na si Borines sang masapwan sa uyapad nga nag-angkon sang igo sang bala sa lawas.

Ginapatihan sang pulisya nga mahimu himata sang mga Baylon ang nagluthang diri.