Injured	Killed
0	1

Date: 31 July 2013
Source: Bombo Radyo

ROXAS CITY – Lima ka igo sang bala ang ginkamatay sang isa ka panday sang ginluthang sang kagawad sa Barangay Dangula, Dumarao, Capiz.

Patay na sang makalab-ut sa ospital si Moreto Almandra, 27, sang Alipasiawan, Dumarao, Capiz bangud sa gin-angkon nga patal nga pilas sa lawas matapos ginluthang ni Barangay Kagawad Teddy Basco.

Sa inisyal nga imbestigasyon sang pulisya, nahibaluan nga nadalahig sa away ang biktima sa isa ka grupo sang mga lamharon samtang siya ang nagapauli gikan sa trabaho.

Apang nagsugid sa kagawad ang naka-away nga grupo sang biktima tubtob nga ini ang ginlagas kag naluthangan gamit ang isa ka .9mm pistol.

 

Padayon naman ang paglagas sang pulisya sa nakapalagyo nga kagawad.