Injured	Killed
1	0

Date: 09 June 2013
Source: Bombo Radyo

NAGA CITY-Gadan an sarong babae matapos pagtatagaon kan kaniyang sadiring pamangkin sa Mulanay, Quezon Province.

 

Binisto an biktimang si Marciana Zepeda, 55 anyos kanSitio Anahawan sa nasambitang banwaan.

 

Sa intribista kan Bombo Radyo Naga ki PO1 Mark Angelo Odeña, napag-araman na nakikipag-inuman suboot si Marciana sa mga kaamigong sinda Ruel Lariza asin Marvin Claridad kan biglang nag-abot an suspetsado na si Michael Zepeda asin biglang tinaga sa saiyang toong braso an tiyaon.

 

Prinubaran pa suboot magdulag kan biktima alagad naabutan siya kan pamangkin asin duman na mayong herak na pinagtataga an tiyaon sa maniba-ibang parte kan lawas na nagin cawsa kam saiyang tulos na kagadanan.

 

Napag-araman na minsan na suboot pinasupog kan biktima an suspetsado na nagin cawsa kan saindang pagkakaanggutan na napuli sa panggagadan.

 

Presente naman na pinaghahanap an suspetsado na tulos duminulag matapos naginibong krimen.