Injured	Killed
0	1

Date: 21 April 2013
Source: http://www.abante-tonite.com/issue/apr2113/crime_story06.htm

 

Natagpuang patay ng mga elemento ng Manila Police District-Police Station-9 ang isang pa­laboy habang nagsa­sagawa ng ‘clearing operation’ malapit sa isang creek sa Malate, Maynila kahapon.

Inilarawan ni SPO2 Glenzor Val­lejo, imbestigador ng Manila Police District-Homicide Section ang biktima na nasa edad 55-60, may taas 5’2-5’4,nakasuot ng kulay dilaw na t-shirt at kulay vio­let na short.

Nabatid na alas-5:46 ng umaga nang magsagawa ng clearing operation ang mga tauhan ng MPD-PS 9 sa pangunguna ni P/Chief Inspector Efren Medina sa kahabaan ng Mabini, Malate, Maynila.

Nakita umano ang biktima na nakahiga malapit sa creek at nilapitan pero nang gisingin ay napansin ng mga pulis na hindi na ito kumikilos at wala nang buhay.

May nakita ring tattoo na “Warriors” sa kanang hita ng biktima.
Wala namang nakitang anumang sugat sa katawan ng biktima, palatandaan na walang foul play sa pagkamatay nito.