Injured	Killed
0	0

Date: 20 March 2013
Source: Bombo Radyo

CAGAYAN DE ORO CITY – Gitulis sa tulo ka mga wala mailang suspek ang usa ka Pakistani national diha sa may NHA Barangay Kauswagan kaganinang udto.

Giila ang nasampit nga langyaw nga si Syed Ali Kazim Bukari, 44-anyos ug kasamtangang nagpuyo sa may Barangay Bulua ning syudad.

Matud pa ni Bukari nga samtang nagsuroy siya sa iyang mga ibaligyang gamit, tulo ka mga armadong suspek nga sakay sa motorsiklo ang midool kaniya og mideklara’g tulis.

Tungod sa iyang gibating kahadlok, iyang gihatag sa tulisan ang iyang nakolektang salapi nga mokabat sa P67,000, relo nga nagkantidad sa P5,000 ingon man ang iyang selfone.

Giasoy sab ni Bukari nga sulod sa kapin lima katuig nga pagpuyo sa Pilipinas mao kini ang pinakaunang higayon nga siya nabiktima sa pagpanulis.

Dugang pa niini nga dili matud pa niya makalimtan ang dagway sa suspek nga maoy mitulis kaniya.