Injured	Killed
0	0

Date: 09 May 2013
Source: Bombo Radyo

LOILO CITY – Kumbinsido si anay Justice Sec. Raul Gonzales Sr. nga politika ang sa likod sang pagpalupok sang granada sa ila balay sa Brgy. Quintin Salas, Jaro, Iloilo City kaina sang kaagahon.

 

Sa interview sang Bombo Radyo Iloilo, ginpahayag sang anay tiglikom nga isa lamang ini ka foul tactics sang kasumpong sa politika ilabi na nga pila na lang ka adlaw antes ang eleksyon.

 

Suno diri, gilayon sila nga nagtawag sa Jaro Police Station matapos ang insidente apang wala sang may nagsabat.

 

Ang bata sang anay tiglikom nga si anay Cong. Raul Gonzales Jr. ang nagapadalagan subong bilang kongresista batok kay incumbent Cong.Jerry Treñas.

 

Sa imbestigasyon sang Explosive and Ordnance Division (EOD), isa ka M26A1 fragmentation hand grenade ang ginpalupok sa balay sang mga Gonzales.

 

Suno kay SPO1 John Meneses, bomb specialist sang EOD, ang amo nga granada ginagamit lamang sang Armed Forces of the Philippines.

Brownout sa lugar sang natabo ang insidente kag yara sa sulod sang balay ang anay tiglikom kaupod ang pamilya.