ROXAS CITY – Umabot sa mahigit P87,000 ang natangay mula isang kasapi ng pulisya na hinoldap sa Barangay Libas, Roxas City.

 

Nagreklamo sa Roxas City police station si PO1 Rolando Trinidad, 24, ng Regional Mobile Group 6 sa lungsod ng Iloilo, matapos holdapin ng limang katao na sakay ng isang tricycle na kulay gray.

 

Ayon sa pulisya, pauwi na si Trinidad nang harangin ang minamanehong motorsiklo ng mga suspek na nanutok sa kanya ng kutsilyo at nagdeklara ng hold-up.

 

Dinala pa umano ang pulis sa isang lugar sa Brangay Lawaan, at nagising na lamang na wala ng saplot sa katawan.

 

Kabilang pa sa tinangay mula sa pulis ang mamahalin nitong relo.