Injured	Killed
0	0

Date: 07 February 2013
Source: Bombo Radyo

BACOLOD CITY – Masobra sa 600 mil pesos nga balor sang mga alahas, gadgets kag cash ang nakuha sang kawatan matapos ginsulod sini ang isa ka puluy-an sa Villa Lucasan, Brgy. Mandalagan, ciudad sang Bacolod.

Base sa inisyal nga imbestigasyon sang Police Station 3, nagdul-ong si Efren Rafael Lampria kaupod sang iya asawa sa ila bata nga nagaeskwela sa isa ka pribado nga buluthuan sa ciudad sa diin wala sang may nabilin agod magbantay sang ila puluy-an.

Sa ila nga pagpauli, ginkakibot na lang sang mag-asawa nga nagailinukay na ang ila mga kagamitan sa sulod sang ila puluy-an

Kasunod sini, ila natukiban nga nadula na ang ila nagkalain-lain nga mga gadgets, mga alahas nga ginalakipan sang duha ka mga diamond rings, duha ka gold nga bracelet, isa ka necklace, 12 ka mga ladies watches, 8 ka men’s watches, cash nga 80 mil pesos, 2000 US dollars kag 40 mil pesos nga Thai Baht.

Base sa ila pagbulubanta, indi magnubo sa 667 mil pesos ang nataban sang wala makilal-an nga kawatan.

Ginmanduan naman ni Bacolod City Police Office ukon BCPO OIC-Director Senior Supt. Edgardo Ordaniel si Police Station 3 Commander Senior Inspector Diane Grace Aquitania nga pagatutukan ang nasambit nga insidente.

Suno kay Senior Insp. Aquitania, ila karun ginatutukan ang nga pawnshop nga posible prendahan sang suspek sang nakuha sini nga mga alahas.