Injured	Killed
0	0

Date: 18 February 2013
Source: Bombo Radyo

LAOAG CITY – Nagbalin a biktima ti maysa nga holdaper ti maysa a lalaki a taga Baguio City bayat ti kaadda na iti San Nicolas, Ilocos Norte.

Nabigbig ti biktima a ni Clifford Pacio,agtawen ti 26-anyos, awanan ti asawa, a taga Baguio City, maysa a nurse ken area marketing officer ti maysa a visa center, a regionwide ti operasyon na.

Kuna ni Pacio nga immay ditoy Ilocos Norte tapnu mangiyuswat ti seminar para kadagiti aplikante nga agturong idiay Canada.

Imbatad ni Pacio a napasamak ti insidente bayat ti kaadda na iti national highway iti San Nicoas nga agur-uray ti maluganan na a tricycle.

Ngem bigla a nagsardeng iti sango na ti maysa nga XRM a nagmaris ti asul a motorsiklo ken indiaya ti driver a makilubbon laengen ket itulnog na ditoy laoag city.

Basar ti palawag ni Pacio, bayat ti kaadda da iti lugar nga awan ti matatao na ket insardeng ti driver ti motorsiklo ket imbagana nga umisbo.

Kuna ni Pacio a simmurot met daytoy a napan immisbo ngem bigla lattan a pinataray ti suspek ti motorsiklo nga intaray na ti bag na a naglaon ti office files, tallo a cellphone, check book, wallet a naglaon ti agaruop 7 a ribo a pisos ket dadduma pay nga importante a dokumento.

Gapu ti nasao a pasamak, nagpatulong ti biktima iti nakita na a tao ket nagturong iti PNP San Nicolas a nangireportan na ti pasamak.

Segun ti PNP San Nicolas, ni Pacio ti maikaduan a biktima ti panag-holdap iti nasao nga ili.