Injured	Killed
0	0

Date: 01 May 2013
Source: Bombo Radyo

LEGAZPI CITY – Matrayumpong napugulan kan tropa kan mga militar an mga pinagtutubudan na mga miyembro kan New People’s Army (NPA) sa pangingikil sa nagkapirang pulitiko sa provincia kan Catanduanes.

Sa intrivista kan Bombo Radyo Legazpi kay 1st Lt. Joseph Acleta, tagapagtaram kan 83rd Infantry Batallion, Philippine Army, napag-araman na bandang alas 9:45 kasubagong aga kan makasagupa kan tropa kan 91st Division Reconnaissance Company sa pangengenot ni 2Lt. Jaison R. Alabado an poku mas o menos sampulong mga armadong kalalakihan sa bulod na porsyon kan Brgy. Hilaw-an, San Andress Catanduanes.

Digdi na nagkaigwa nin ribayan nin putok kun saen, nakatalaan kota nang mangikil an mga nasabing mga NPA sa nagkapirang politiko na nangangampanya sa lugar.

Mayo man na napabaretang nalugadan sa tropa kan militar sa nangyaring pag-atake.

Narecover man sa crime scene an nagkapirang basyo nin bala asin badil gikan sa mga kalaban.

Enot nang napag-araman na tulos man na nakapagresponde an tropa kan militar huli sa sumbong na ipinaabot kan nagkapirang mga residente.