Injured	Killed
0	1

Date: 22 January 2013
Source: http://www.sunstar.com.ph/superbalita-davao/balita/2013/01/22/negusyante-gipusil-patay-264170

COTABATO CITY – Patay ang usa ka negusiyante human siya gipusil sa riding in tandem alas 4:00 sa hapon niadtong Lunes sa probinsiya sa Maguindanao.

Giila ang biktima nga mao si Rex Espira, buy and sell trader ug molupyo sa Barangay Poblacion, North Upi.

Nasayran gikan sa spot report sa Maguindanao Provincial Police Office (MPPO) nga nahitabo ang pagpamusil samtang nagsakay ang biktima sa iyang XRM nga motorsiklo nga dunay plaka MP-2871.

Ang biktima gikan sa iyang tindahan pauli sa iyang bay, apan pag-abot niya sa welcome rotonda sa North Upi, kalit lang mibutho ang duha ka wala mailhing tawo dayon gipusil siya gamit ang kalibre.45 nga pistola.

Patay gilayon si Espira nga naigo sa iyang ulo ug likod nga parte sa lawas.

Mga mamumuno abtik nga misibat sakay sa laing motorsiklo nga walay plaka paingon sa munisipyo sa Datu Blah Sinsuat.

Gisulayan paggukod sa mga mirespondeng sundalo ug pulis apan wala na gyud maabtan sanglit misulod sila sa usa ka hilit nga dapit.

Walay nakaila sa mga sibilyan ngadto sa mga namusil gumikan pulos naka-jacket sila, dunay kalo ug kalit sab kaayo ang hitabo.

Nakitang anggulo sa kapulisan ang personal nga atraso o kaha selos sa negosyo mao nga gipatay ang biktima. Edgardo Fuerzas