Patay ang isang lalaking nagmamay-ari ng kainan matapos pagbabarilin sa loob ng tindahan sa Quezon Memorial Circle sa Quezon City.

Kinilala ang biktima na si Domingo Barrameda Tañedra.

Nakaupo ang biktima nang pagbabarilin ng hindi pa nakikilalang suspek na agad tumalilis sakay ng motorsiklong walang plaka.

Sa panayam ng Radyo Patrol sa asawang si Rose, nasa kabilang pwesto siya nang barilin ang asawa.

Walang nakikitang motibo ng away ang ginang dahil mabait naman ang asawa. 2006 pa aniya sila nagtitinda sa loob ng Circle.

Nagimbal ang mga namamasyal sa lugar nang marinig ang putok ng baril.

Kinordonan na ng mga awtoridad ang lugar para sa imbestigasyon. Report from Dennis Datu, Radyo Patrol 42