Injured	Killed
0	1

Date: 24 June 2013
Source: Bombo Radyo

CAGAYAN DE ORO CITY – Nagpadayon karon ang gihimong pursuit operation sa kapolisan batok sa mga suspek nga mipusil patay sa usa ka mamaligyaay ug mga santos diha atubangan sa San Agustin Cathedral ning syudad kaganihang kadlawon.

 

Matud ni SPO4 Ronaldo Cambe sa Police Station 1, giila ang biktima nga si Michael Fabe,25-anyos, minyo ug residente dinhi sa dakbayan.

 

Matud ni Cambe nga samtang natulog ang biktima sa iyang tindahan tupad sa anak ug kapikas niini,duha ka motorsiklo nga may sakay nga upat ka lalaki ang mipusil kaniya gamit ang giingong kalibre .45 nga armas.

 

Nakaangkon sa pinusilan ang biktima sa iyang ulo ug duha sa likod nga milahos sa dughan nga hinungdan sa kamatayon niini.

 

Nasuta usab nga ang biktima may patik nga Batang Mindanao kon BM 29 diin giingong nalambigit usab sa pipila ka kremin sa dakbayan ug Bukidnon.

 

Gilusad pa sa kapolisan ang dugang imbistigasyon kabahin sa maong hitabo.

 

Hisayrang nakuha sa crime scene ang tulo ka empty shells sa kalibre .45 nga armas.