Injured	Killed
0	1

Date: 02 August 2013
Source: Bombo Radyo

NAGA CITY – Tulos na ipinalubong sa Canaman Public Cemetery kan mga kapulisan asin Municipal Health Office an sarong nasa state of decomposition nang bangkay kan babae na nadukayang nagpapataw-pataw sa Bicol River kasuodma sa banwaan nin Canaman digdi sa Camarines Sur.

 

Sa nakuang impormasyon kan Bombo Radyo Naga, napag-araman na kasuodma kan ipaaram sa hepatura kan pulisya kan sarong Lolito Bongganay kan nasambitan nang barangay an dapit sa nadukayang bangkay.

 

Tulos man suboot na nagresponde an grupo kan Canaman PNP kaiba an Municipal Health Officer kan banwaan na si Mr. Florencio Saludes sa nasambitan nang salog.

 

Nakasulot suboot nin kulay blue green na t-shirt an biktima asin kinakarkulong nasa pagultanan kan edad 30 hasta 40 anyos.

 

Hasta sa ngunyan, mayo pa suboot nagpaabot na impormasyon na may nawawara sa lugar.

 

Mientrastanto pwede man suboot hilingon an ladawan kan nakuang bangkay na mahihiling sa hepatura kan Canaman PNP para sa posibleng magpabistong kapamilya kaini.