Injured	Killed
0	0

Date: 29 November 2013
Source: Journal Online

RIZAL — Dinakip ang isang lalaki na uma-no’y nanakot at na-ngikil sa isang Pinay na asawa ng Hapon sa  Tanay kahapon.

Sa ulat kay Senior Supt. Rolando Anduyan, Rizal police director, kinilala ang suspek na si Leopoldo Garcia, 55, ng KM 52, Manila East Road, Bgy. Tandang Kut-yo, ng nasabing bayan.

Nadakip ang suspek matapos na ireklamo ni Evangeline Jimenez-Sekiguchi, 46, ng 66 P. Burgos St., Bgy. San Isidro, Tanay. Siya ay naaresto sa FT Catapusan St., Bgy. Plaza Aldea.

Ayon sa ginang, umaabot na sa P10,500 ang naibibigay niya sa suspek mula pa noong Nob. 23 subalit patuloy pa rin ito sa pananakot at pangingikil at bantang siya at ang kanyang asawa ay papatayin kapag hindi nagbigay.

Kaagad na nagplano ng entrapment operation ang Tanay PNP at nang kontakin ng biktima ay kaagad na lumutang ang suspek para ibigay ang hinihingi nitong pera.

Narekober sa suspek ang isang bagong P1,000 at isang lumang P1,000.

Kasong robbery extortion at grave threat ang isasampa ng pulisya laban sa suspek na nakadetine na sa Tanay PNP.