DAKIP ang isang lalaki matapos manggahasa ng isang paslit sa Catanuan, Quezon Province.

Kinilala ang suspek na si Timoteo Canninsia Orong Jr., 39, tubong Karomatan, Lanao Del Norte.

Nabatid na patungo sa bahay ng kanyang lola ang biktima na itinago sa pangalang Nene nang sunggaban ng suspek na noon ay lango sa alak at gahasain.

Matapos ang panghahalay ay pinakawalan ng suspek ang bata na agad namang nagsumbong sa kanyang lola dahilan kaya isinuplong sa mga pulis ang rapist at madakip.