Injured	Killed
0	0

Date: 24 June 2013
Source: Bombo Radyo

KORONADAL CITY – Padayon nga ginahibalo subong sang mga otoridad kun anu nga sahi sang improvised explosive device ukon IED ang naglupok sa drainage partikular sa kanal padulong sa kalye sang Sinamar 2 nga sakop sang National Highway, sa atubangan sang Laira Marketing, Poblacion, Kabacan, Cotabato.

 

Sa report nga nakuha sang Kabacan PNP, nagluntad ang paglupok sang IED alas 7:35 sang Sabado sang gab-i.

 

Narekober sa blast site ang fragmentations sang wala pa mahibaluan nga sahi sang eksplosibo.

 

Nahibaluan nga sa kabaskugon sang paglupok naguba ang pila ka baligya sang amo nga establisiemento kag mangin sang kanal kun diin ginbutang ang eksplosibo.

 

Sa subong, nagapaayo na ang nasamaran nga biktima sa nasambit nga paglupok.