Injured	Killed
0	0

Date: 05 February 2013
Source: Bombo Radyo

BACOLOD CITY – Padayon tubtub subong ang ginapatigayon nga imbestigasyon sang Calatrava PNP kag Commission on Audit angot sa nagluntad nga pagpangawat sa sulod sang Municipal Treasurer’s Office sang banwa sang Calatrava sadtong adlaw sang Domingo.

Base sa assessment sang nasambit nga banwa, masobra sa P120,000 ang nataban sang kawatan sa diin P96,000 ang nakuha gikan sa vault sang municipal’s treasurer nga si Norie Oñasa samtang nakuha naman sa vault sang asst. treasurer sini nga si Josie Villamor ang P30,000.

Nahibaluan nga Lunes na sang aga sang matukiban sang mga empleyado ang insidente matapos makit-an ang nagailinukay nga mga kagamitan sa sulod sang talatapan.

Suno naman kay Provincial Administrator Enrique Pinonggan, “first-time” ini nga natabo nga may yara sang ginkawatan nga isa ka local government unit sa probinsya sang Negros Occidental.

Samtang magasandig naman sa resulta sang imbestigasyon sang pulis kag COA ang igahatag nga sanction sa treasurer sang banwa.

Isa man sa ginatan-aw nga anggulo sa krimen amo ang inside job bangod nabuksan ang vault apisar may yara ini sang number combinations ukon pin code.