Injured	Killed
0	1

Date: 03 April 2013
Source: Bombo Radyo

TACLOBAN CITY – Patay an municipal treasurer han Gamay N. Samar kahuman ini nga pag-ambushon hin waray pa makilal-i nga suspetsado ha Brgy. Upper Libertad samtang tipuli ini ha ira panimalay yana nga kulop.

Subay ha nakuha nga impormasyon han Bombo Radyo Tacloban kan Police S/Supt. Isaias Tonog, an biktima in guinkilala nga hi Pedro Portajada, residente han Brgy. Anito han mao nga bungto.

Ha inisyal nga imbestigasyon han mga kapulisan, nakaangkon hin igo hin bala ha magkaduro-dilain nga parte han lawas an biktima nga nagin hinungdan han kamatayon hini.

Dugang pa ni Tonog, posible nga personal grudge an motibo ha panmatay pero guinkikitaan guihapon nira nga anggulo an hold-up tungod nga nawawara an pitaka han biktima.

Ha pagkayana, nakatalaan na nga ipailarom ha otopsiya an patay nga lawas han biktima samtang padayon naman an manhunt operation han mga otoridad.