Injured	Killed
0	1

Date: 15 January 2013
Source: http://bomboradyo.com/news/latest-news/148720-municipal-councilor-aspirant-pinatay-sa-zamboanga-del-norte

ZAMBOANGA CITY – Blangko pa rin ang mga otoridad sa pagkakakilanlan ng mga suspek sa pagpaslang sa isang negosyante at isa ring aspirante sa pagka-municipal councilor sa bayan ng Sibuco sa lalawigan ng Zamboanga del Norte.

Sa ulat na nakuha ng Bombo Radyo Zamboanga mula sa Police Regional Office (PRO-9), binaril ng suspek ang biktima na si Christopher Sacay, 36, habang nasa loob ito ng kanyang tindahan sa Kalye Bisaya, Barangay Poblacion, Sibuco ng nasabing probinsya.

Kaagad namang nakatakas ang suspek kasama ang isa pa sakay ng kanilang motorsiklo.

Tatlong grabeng tama ng bala sa ulo at katawan ang tinamo ng biktima na nagresulta sa kanyang agarang pagkamatay.

Narekober din ng mga rumispondeng pulis ang apat na basyo ng bala ng caliber .45 pistol sa luagr ng insidente.

Mismo ang mga kaanak ng biktima ay wala ring ideya kung sino ang posibleng may kagagawan sa krimen gayong wala rin naman itong kaaway.

Patuloy pa ring iniimbestigahan ng Sibuco Municipal police station ang nasabing insidente.

Inaalam na rin ng otoridad kung may kaugnayan sa kanyang pagtakbo sa midterm elections ang pagpaslang dito. (MRDS)