Injured	Killed
0	1

Date: 16 June 2013
Source: Bombo Radyo

DAVAO CITY – Patay na nga nahi-abot sa Southern Philippines Medical Center ang usa ka lalaki nga gipusil-patay sa Wilfredo Aquino, Bajada, ning dakbayan sa Davao.

 

Naila ang biktima nga usa ka Miko Montabante, 21 anyos, single motorcycle driver. Natigayon ang pagpamusil kaganinang mga alas 8:50 ang takna sa buntag.

 

Gidali sa pagdala sa Southern Philippines Medical Center (SPMC) ang biktima apan wala na gayud matabang pa sa mga doctor.

 

Sumala sa kaipon niini nga si Cyril Joy Gubalane nga wala siya masayud kung dunay gikabikil ang iyang kalive-in sulod na sa napulo ka bulan.

 

Si Cyril Joy Gubalane, live in sa biktima. Bisan ang igsuon niini nga si Aljean Joy Montabante nga ang iyang igsuon anaa lamang sa pagmaniho ug habal-habal isip panginabuhi uban sa iyang live in.

 

Gipamatud-an niya nga but-an ang iyang kuya ug moinum lamang kini kung dunay okasyon.

 

Hustisya karon ang tinguha sa pamilya sa nahisgutan nga biktima.

 

Samtang sa pikas bahin, padayon na nga ginasuta sa kapolisan ang hinungdan sa maong insidente.