| Injured | Killed |
|---|---|
| 0 | 1 |
Date: 20 March 2013
Source: Phil Star Pang Masa
MANILA, Philippines -Pinagbabaril hanggang sa mapatay ang isang mister ng apat na lalaki at pagkatapos ay sinunog pa ang bangkay nito sa loob ng kanyang bahay kamakalawa ng gabi sa Brgy. La Paz, Alicia, Zamboanga Sibugay.
Ang biktima na halos hindi na makilala dahil sa pagkasunog ay kinilalang si Edgardo dela Merced, 46. residente ng naturang lugar.
Batay sa ulat, bandang alas-11:00 ng gabi ay puwersahang pinasok ng mga suspek ng bahay ng biktima habang mahimbing itong natutulog kasama ang misis.
Dito ay binistay ng bala ng mga suspek ang biktima na namatay noon din habang nasugatan naman matapos na paputukan din ng mga suspek ang bayaw nitong si Herminio Simosino, 46-anyos ng mag-usisa sa pinagmulan ng putok.
Hindi naman sinaktan ng mga suspek ang misis ng biktima na pinaalis ng mga ito sa loob ng kanilang bahay.
Ilang saglit pa ay sinilaban ng mga suspek ang bahay ng mag-asawa hanggang sa tuluyan itong lamunin ng apoy kasama ang bangkay ng biktima na naiwan sa loob.