Injured	Killed
1	0

Date: 24 February 2013
Source: Bombo radyo feb 24, 2013

Depresyon ang itinuturong dahilan kung kayat hinostage ng mister ang kaniyang misis sa Maynila.

Batay sa ulat ng Manila Police District (MPD) madaling araw pa umanong nag-umpisa ang kaguluhan ng mag-asawang Reyes at bandang alas-8:45 ng umaga ng hindi na makausap ang suspek na si Leandro Reyes.

Sinabi ni PO3 Bernardo Barredo ang imbestigador ng kaso pilit nilang kinakausap ang suspek subalit hindi ito nakikinig sa kanila. Nabatid na galit sa pulis at mga tao ang suspek.

Armado ng kutsilyo at bakal ang hostage taker.

Ayon pa kay PO3 Bernado ng tangkain ng sunugin ng hostage taker ang kanilang bahay dito na umano naobliga ang mga pulis na buksan ang bahay.

Ligtas na narescue ng mga pulis ang binihag na misis at nahuli naman nila ang mister na kasalukuyang.

Sinabi ng anak ng hostage taker na si Albert Reyes galing umano ng Baguio City ang kaniyang mga magulang at ng umuwi ito kaninang madaling araw nag-umpisa na umano ang kaguluhan sa kanilang bahay.