Injured	Killed
0	2

Date: 28 June 2013
Source: Bombo Radyo

NAGA CITY – Dead on the spot an mag-agom matapos tambangan sa Dolores, Quezon. Binisto an mga biktimang sinda Ricardo Romero, 58-anyos sarong negosyante asin an saiyang misis na si Wilma, 48-anyos, court employee kan Dolores Municipa Trial Court. Sa intribista kan Bombo Radyo Naga ki PO2 Raymund Ramos, napag-aramnan na pauli na kuta an duwa gikan sa pagdedeliver nin mga bakery products sa Barangay Bayanihan pasado alas 6:50 kasubagong aga lunad kan saindang SUV kan tambangan kan duwang dae pa mabisto na mga suspetsado. . Sa sinapong dakulang tama nin bala nin kalibre .45 badil sa lawas, pinagtutubudang haranihan na pinagbabadil an mga biktima. Huli na kan maipaabot kan sarong tricycle driver sa pulisya an pangyayari huli sa mayo nin buhay an biktima kan maabutan kan mga otoridad maging kan Municipal Health Officer na si Dr. Ruby Dimaano. Nanruluya man an nurse asin matuang aki kan duwa na si Ro-ec Ric huli sa dae niya na nagibo pang iligtas an mga magurang. Segun ki Ramos, sulamenteng pangagadan lang an motibo sa krimen huli sa mayo man nawarang importanteng gamit sa mag-agom. Narekober sa pinangyarihan kan krimen an siyam na basyo nin bala. Padagos pa ngonian na inaaram kan mga otoridad kun ano an motibo sa pangagadan.