Injured	Killed
0	1

Date: 31 July 2013
Source: Bombo Radyo

ILOILO CITY – Patay ang isa ka bana matapos ginluthang kaina sang aga sa Barangay Tabucan, Barotac Nuevo, Iloilo.

 

Ang biktima amo si David Sacatin, 41 anyos, nakaangkon sang lima ka pilas sa likod tuga sang pagkaluthang.

Nagapabilin naman nga atlarge ang suspetsado nga si Jay-r Gonzales alyas Jec-Jec, 27 anyos, residente sang amo nga lugar.

Suno kay PO1 Richie Britania sang Barotac Nuevo Municipal Police Station, nagakuti ang biktima sang battery sang ginamaneho nga truck nga naka-park malapit sa balay sang suspetsado sang siya ang hinali lang nga ginluthang gamit ang 12 guage homemade shotgun.

Nag-ugat ang insidente sa ginahimo sang suspetsado kag sang iya amay nga pagtext sang mga indi maayo nga tinaga sa asawa sang biktima.

Ginpahayag nga ginhusay na sila kahapon sa barangay hall kag nagkamustahanay pa apang ginkakibot na lang sang tanan matapos nga ginluthang sang suspetsado ang biktima kaina sang aga.

Ang biktima kag ang suspetsado may daan na nga hiligutanon.