Injured	Killed
0	1

Date: 04 March 2013
Source: http://www.remate.ph/2013/03/mister-binaril-ng-kapitbahay-patay/

 

TODAS ang isang mister nang barilin ito ng kapitbahay matapos magkaroon ng pagtatalo sa inuman sa loob ng bahay ng kapatid ng suspek sa Barangay Catmon Malabon City, Linggo ng hapon, March 3.

Namatay habang ginagamot sa Tondo Medical Center ang biktima na si  Ernesto Natividad y Endac, 52, may asawa at mga anak, ng Interior Hernandez Catmon ng lungsod sanhi ng tinamong pagkabutas-butas ng katawan sanhi ng bala ng 12 gauge shot gun .

Arestado at nahaharap sa kasong murder at illegal position of firearms at ammunition ang suspek na si Arturo Quijano y Juachon ‘aka’ Art, 60, kalugar ng  nasawi.

Nakumpiska sa suspek ang ginamit nitong improvice shot gun (sumpak) at  (3) tatlong kalibre .38 ng baril at 12 piraso bala ng 12 guage shotgun sa loob ng kanilang bahay.

Ayon sa imbestigasyon ni P02 Jun Belbes ng Station Investigation Division (SID) ng Malabon pulis, dakong alas 2:00 ng hapon ng maganap ang insidente sa bahay ng kapatid ng suspek sa nasabing lugar.

Nauna rito, nag-inuman ang  biktima at ang suspek kasama ang isa pang kaibigan nito at nang malasing ay nauwi sa isang mainitang pagtatalo.

Hanggang sa biglang kinuha ng suspek ang sumpak at dalawang ulit na binaril ng malapitan ang biktima na nagresulta kamatayan,
.
Dahil sa maagang pagresponde ng mga tauhan ni PSI Arturo Franco ng SRU at ng  PCP 9 commander Sp04 Vicente Obiena, agad nadakma ang suspek at nakumpiska pa ang mga nasabing baril na nasa pag-iingat ni Quijano.

Patuloy na inaalam ng mga awtoridad ang tunay na motibo sa nasabing krimen.