Injured	Killed
0	2

Date: 16 February 2013
Source: Bombo radyo Saturday, 16 February 2013 12:38

ILOILO CITY – Patay ang isang mister matapos magbigti kasunod ng ginawang pagbaril-patay sa kanyang asawa.

Ang insidente ay nangyari sa Brgy. Malusgod, Dueñas, Iloilo sa bahay mismo ng mag-asawa.

Sa panayam ng Bombo Radyo kay P/Insp. Bonifacio Alabe, hepe ng Dueñas Police Station, sinabi nito na unang binaril ng lalaki na si Ethan Arañador Solero, 27, ang kanyang asawa na si Hyrene Lamis Solero, 28, kagabi habang natutulog.

Pagkatapos mapatay ang asawa umuwi sa kanilang lugar sa Brgy. Tina, Badiangan, Iloilo ang lalaki at nagbigti sa sarili sa puno ng mangga.

Natagpuan na lamang ito kaninang umaga na patay na.

Ayon sa pulis, love triangle ang motibo sa insidente matapos lumabas sa imbestigasyon na dalawang beses nang sumama sa kanyang textmate ang babae.

Ang mag-asawa ay may isang anak.