Injured	Killed
0	0

Date: 30 January 2013
Source: Bombo Radyo

LEGAZPI CITY – Maabot sa labi P150,000 na kantidad nin cash asin cellphone an nalalay sa sarung misis makalihis na mabiktima nin robbery-holdup gang sa provincia nin Masbate.

An biktima an binistong si Elsie Sibuco y Mahilo kan Cauayan nasabing provincia.

Sa report na ipinaabot sa Bombo Radyo Legazpi, napag-araman na bandang alas-7:00 nin banggi, mantang nagkakakan an biktima sa laug kan saiyang harong, kan bigla na sana ining laugon kan duwang armadong kalalakihan asin saka nagdeklara nin holdup gamit an dai pa maaraman na calibre nin badil.

Nakua sa biktima an maabot sa P60,000 na cash asin apat na cellphones na nagkakantidad nin haros P100,000.

Tulos man na nagdulag an mga suspek makalihis an panghahabas.

Sa ngonyan an nagpapadagos pa an imbestigasyon kan mga otoridad katakod kan insidente.