Injured	Killed
0	0

Date: 02 May 2013
Source: Bombo Radyo

LEGAZPI CITY – Naging matrayumpo an isinagibong combat operation kan tropa kan 31st Infantry Battalion, Philippine Army kontra sa mga pinagsusuponiran na miyembro kan rebeldeng New People’s Army (NPA) sa Sorsogon.

Uminabot nin 11 minutos an naging ribayan nin putok kan mga militar kontra sa poku mas o menos 10 mga NPA sa bulod na porsyon kan Barangay Siuton, Magallanes, Sorsogon bandang alas 5:20 nin hapon kasuudma.

Sa impormasyon na ipinaabot sa Bombo Radyo Legazpi, napag-araman na tulos na nagsagibo nin combat operation an tropa kan 31st IB sa pangengenot ni Captain Christopher Santander makalihis an sumbong na ipinaabot sa sainda sa planong pangingikil soboot kan mga NPA sa nagkapirang politiko sa lugar.

Mientras tanto, sa tahaw kan bakbakan, suminuko man an duwang rebelde na binistong si Judy Torres a.k.a Ka Roy, 33-anyos kan Barangay Dolos, Bulan asin Jomar Gracilla a.k.a Marvin, 19-anyos kan bgy. Pili, Magallanes Sorsogon.

Sa ibong na lado, mayo man na napabareta na nalugadan sa tropa kan militar mantang nakua man sa lugar an tulong M16 rifle, landmine asin nagkapirang pang subersibong mga documento.

Sa ngonyan, nagtetenir sa campo kan 31st IB sa Barangay Rangas, Juban an duwang suminukong mga rebelde.