Injured	Killed
0	0

Date: 21 April 2013
Source: Bombo Radyo

LEGAZPI CITY – Tulos na nakapagsagibo nin manhunt operation an mga militar sa porsyon kan banwaan nin Oas kasunod kan nangyaring enkwentro sa pagultanan kan tropa kan gobyerno asin pigtutubudan na mga rebeldeng New Peoples Army.

Sa report na ipinaabot sa Bombo Radyo Legazpi, napag-araman na uminabot nin haros 10 sundo sa 20 minutos an naging ribayan nin putok kan tropa kan 91st DRC na pinamamayuhan ni Cpl. Lladon kontra sa poku mas o menos 10 mga armadong kalalakihan.

Mayo man na napabaretang nalugadan sa nangyaring enkwentro sa lado kan mga militar.

Narecover sa pinagyarihan kan insidente an 1 m16 rifle, 2 badolier, 1 hand grenade asin nagkapirang personal na gamit.

Tulos man na nakadulag an mga kalaban sa bulod na porsyon kan nasabing lugar.