Injured	Killed
0	0

Date: 15 August 2013
Source: Bombo Radyo

KORONADAL – Nalikawan sang mga alert nga mga sibilyan ang kuntani maduguon nga insidente sa isa ka maligwin nga lugar sang natukiban nila ang isa ka hand grenade nga nabilin sa kadalanan. Suno kay Kabacan police Chief Insp. Jordine Maribojo, natukiban sang isa ka tawo ang granada sa dalanon sang Barangay Kislam alas 6:20 sang aga kahapon. Ginsugid naman sang tawo ang iya nakita sa mga opisyal sang lugar kun sa diin ila naman ini ginsugid sa mga pulis. Dayon naman nga nagresponder ang mga bomb experts sang Army kag kapulisan kag na-dispose naman ang MK-2 hand grenade. Wala naman sang may nag-angkon sang nasambit nga granada. Bangod sini, ginpasidunggan ni Maribojo ang mga sibilyan bangod sa pangin vigilante nila sa tunga sang mga insidente sang pagpamomba sa rehiyon.