Injured	Killed
1	0

Date: 11 July 2013
Source: Bombo Radyo

NAGA CITY – Tulos na isinugod sa ospital an sarong menor de edad na lalaki matapos masaksak kans arong burat na naghahanap suboot nin marijuana sa Calauag, Quezon.

 

Binisto an biktima na si Belleadel Flestado, 17 anyos asin residente kan Barangay Uno sa nasambitang banwaan.

 

Sa nakuang impormasyon kan Bombo Radyo Naga, napag-araman na mantang nakiki-istoryahan an biktima sa saiyang mga amigo, bigla na sana suboot nag-abot an burat na suspetsado na binistong si Jun-Jun Minero, 30 anyos asin residente kan Barangay Dos sa parehong banwaan.

 

Sa imbestigasyon kan mga otoridad, hinahapot suboot ni Minero an mga kahovenan kun saen makakakua nin marijuana.

 

Kan dai suboot ini pinansin kan grupo, bigla na sanang nagkaigwa nin diskusyon sa pagultanan ni Flestado asin ni Minero.

 

Matapos an diskusyon naghali suboot an suspetsado alagad ara-atchan sana buminalik suboot ini dara an sarong patarom na kinua sa saindang harong.

 

Prinubaran pa suboot na pugolan kan mga amigo kan biktima an suspetsado alagad nasaksak na kaini si Flestado sa may parteng habayan kaini.

 

Mientrastanto nasa kustodiya na kan Calauag PNP an nasambitan nang suspetsado