Injured	Killed
0	1

Date: 05 July 2013
Source: Bombo Radyo

NAGA CITY – Inaaram ngonian kan otoridad an posibleng may kagigibohan sa pambabadil-gadan sa sarong mekaniko sa San Antonio, Quezon.

 

Binisto an biktima na si Gery Lara y Morcilla 37-anyos kan Barangay Poblacion.

 

Basado sa impormasyon na ipigpaabot kan Quezon Police Provincial Office sa Bombo Radyo Naga, nasa vulcanizing shop an biktima kan ranihan kan sarong lalaking naka-helmet asin nakamotorsiklo na nagmalu-malong kustomer.

 

Kan makarani sa biktima mayong anu-anong binadil niya ini nin duwang beses.

 

Tulos ining dinara sa Liwag Hospital sa banwaan nin Tiaong alagad ipigdeklara na dead on arrival.

 

Sa inisyal na imbestigasyon, napag-araman na may kaiwal an biktima sa pamilya Lara na iyo ngonian tinutumbok kan imbestigasyon kan pulisya.