Injured	Killed
0	0

Date: 25 May 2013
Source: Bombo Radyo

LA UNION – Im-imbestigaran ita ti Naguilian Municipal Police Station ti napasamak a panagtakaw ti maysa a medical representative ti maysa a pagtaengan idiay Barangay Natividad Naguilian,La Union.

 

Tinakaw ti suspek a ni Ismael Bravo, 29-anyos, addaan ti asawa ken residente ti Barangay Bacuit,ti nasao nga ili ti maysa a cellphone nga agbalor ti P6,000.

 

Base ti impormasyon a nakalap ti Bombo Radyo La Union, pasado alas-9:00 idi kalman ti bigat idi madiskubre ti biktima a ni David Flores,35-anyos, residente ti nasao nga ili a mapukpukaw ti cellphone na.

 

Gaputi dayta, dagos a binuya da ti CCTV camera a nakakabit iti uneg ti tersina ken iti ridaw ti pagtaenganda ket sadiay a nakita da iti panangitaray ti suspek iti nasao a cellphone.

 

Dagos met nga impaka-ammo ti biktima kadagiti otoridad ti pasamak kasaruno iti pannakaaresto da ti suspek nga adda iti maysa a drug store, asideg ti Barangay Ortiz ti nasao nga ili.

 

Inrason ti suspek ti panag-sakit ti anak na isunga naaramid na iti nagtakaw ngem nakasagana daytoy nga agpakawan kadagiti biniktima na. apaman a makarwar iti pagbalodan

 

Ti agdama ket adda iti kustodiya dagiti otoridad ti nasao a suspek.