DEAD on the spot ang isang barangay chairman na kumakandidato sa pagkamayor sa Marcos, Ilocos Norte makaraang pagbabarilin ng riding-in-tandem, Sabado ng hapon.

Sa inisyal na imbestigasyon, sakay ng motorsiklo ang biktima na si Alfredo Arce nang ratratin ng riding-in-tandem.

Ayon sa mga saksi, nakatakbo pa ang biktima ngunit hinabol pa ito ng mga suspek at muling pinaputukan hanggang sa bumulagta.

Nagpatupad na ang Laoag City Philippine National Police (PNP) ng manhunt operations upang mahuli ang mga suspek.

Inaalam din kung may koneksyon sa pulitika ang pamamaslang kay Arce.

Nitong Pebrero 4, magugunitang tinambangan din si Mayor Salvador Pillos at nakaligtas.

Sina Pillos at Arce ay mahigpit umanong magkalaban sa pagka-alkalde.