Injured	Killed
0	0

Date: 12 February 2013
Source: Bombo Radyo

NAGA CITY – Mahigot na pinahimutikan ngonian ni Mayor Senandro Jalgalado kan Capalonga, Camarines Norte an mga akusasyong ipigdadaklag sa saiya kan padihon asin agom kaan saiyang makakalaban sa 2013 elections.

Sa entribista kan Bombo Radyo Naga ki Jalgalado, sinaysay kaining dawa nagkaigwa sinda nin mainit na diskusyon ni Robert Ricasio, dae nag-abot sa puntong minuda niya ini o tinututukan nin badil.

Para sa alkalde, dawa may ipaheling na testigo si Ricasio, dae man giraray ini matrayumpo na idudo siya huli ta mayong katotohanan an akusasyon laban sa saiya.

Inako kaining kaya sinda nagkaigwa nin dae pagkakaintindihan ni Ricasio huli sa pagtestigo kaini na idinudo siya dawa an kaso an anas panraraot sana.

Nagtutubod si Jalgalado na mawot sana siyang rautan kan mga kalaban para sa eleksyon.

Katakod kaini, pignigaran man niya an sumbong na nagdadara siya nin badil o kaya pag-iiba nin bodyguard na anas mga armado.

Enot nang inireklamo si Jalgalado ni Ricasio nin haranihaan na panunutok nin badil asin paghuma sa buhay niya kan magkaigwa nin mainit na diskusyon.

Nakikimaherak pa su boot an nasambitan ng complainant sa mayor kan gibuhon ini alagad marhay na sana ta pinugol kan saiyang bodyguard.