Injured	Killed
0	2

Date: 31 July 2013
Source: Bombo Radyo

TACLOBAN CITY – Nakapreso na yana an usa ha duha nga suspek nga responsable ha pagpanmumuno-patay ha mag-asawa ha Catarman, Northern Samar kalakip na an ira hipag samtang, nagpapadayon pa an manhunt operation kontra ha usa pa nga suspek.

 

Ha impormasyon han Bombo Radyo Tacloban ha Catarman Police station, nabaruan nga nadakop an usa ha mga suspek mahuman an guinbuhat nga hot pursuit operation han kapulisan kontra kanda certain Daniel, residente ha bungto han Biri ha mao naga probinsya ngan an guinkilala kan Takyo, resedente naman han San Pascual.

 

Una hini, nakarigos na ha ira kalugaringon dugo, an mag-asawa nga Nestor Matudan ngan Erlinda ha Purok Uno, Barangay Dalakit, ha mao nga bungto mahuman mag-angkon hin binun-an ha magkadilian nga parte han ira lawas.

 

Samtang, kritikal pa yana ha Northern Samar Provincial Hospital (NSPH) an hipag han mga biktima mahuman mag-angkon guihapon hin mga binun-an.

 

Ha inisyal nga imbistigasyon han Catarman PNP, nagawas nga hubog daw an mga suspek han umagi an mga ini ha panimalay ha mag-asawa ngan tigda ini nga sumulod nagan waray wantas nga guinpanmumuno an mga biktiama.