Injured	Killed
0	2

Date: 24 June 2013
Source: Bombo Radyo

DAVAO CITY – Gitinguha gayud karon sa kapolisan nga madakpan ang mga responsabli sa duha ka mga pagpamusil-patay dinhi sa dakbayan sa Davao kagahapong adlawa.

 

Gitan-aw na karon sa kapulisan ang motibo sa nahitabong duruha ka managlahing pagpamusil sa dakbayan sa Davao kagahapong adlawa.

 

Una nang naila ang biktim nga sila si Samuel Lapestida, lumad nga taga Samal Island apan nanginabuhi isip usa ka driver nga adunay rota nga Panacan.

 

Nahitabo ang insidente pasado ala una kagahapon sa hapon sa Sasa Depot duol sa Panacan DPWH diin kalit na lamang nga giduol ang biktima sa wala mailhing suspetsado ug gibanhigan kini hinungdan nga nakaangkon ug samad pinusilan sa iyang aping.

 

Samtang ang laing biktima sa pagpamusil naila nga usa ka Ivan Jebulia Ledesma,34, konduktor sa dyip ug residente sa Lubao Street, Doña Asuncion, Barangay Sasa ning dakbayan.

 

Subay sa ulahing imbestigasyon sa kapulisan, nahitabo ang insidente sa Kieth Williams, Barangay Catalunan Pequeño diin naghulat matud pa ug dyip ang biktima arun moadto sa Panacan diin kini nanginabuhi isip konduktor.

 

Gikanayong kalit na lamang nga giduol sa suspek ang biktima ug gibanhigan tumong sa ulo nga bahin. Patay na sa Southern Philippines Medical Center (SPMC) si Ivan.