Injured	Killed
0	1

Date: 17 April 2013
Source: Bombo Radyo

GENERAL SANTOS CITY – Binaril-patay ng hindi nakilalang suspek ang isang mangingisda habang natutulog sa kanyang bahay sa Sarangani province.

Kinilala ng Maasim PNP ang biktima na si Jaime Impal, 45, na taga Lumasal, Maasim, Sarangani.

Wala ng buhay ang biktima sa kanyang silid nang makarating ang mga pulis sa crimescene.

Sinasabing pinasok ang bahay ni Impal ng hindi nakilalang mga suspek na dumaan sa kusina hanggang sa dumiretso sa silid at pagkatapos ay saka binaril gamit ang caliber .45.

Dalawang sugat sa dibdib ang natamo ng biktima na siyang dahilan ng kanyang pagkamatay.